MICROPHONE MAN DING DAN

Microphone hi man them ten angai e, Microphone mang them lou khat in Thu asei ahilou leh Laa asah chu gil lheh henlang, Thupoimo tah hijongleh angailha ho'n ahetthem lou diu ajih chu kichih tah a ajah lou uham? ahilou leh achoi themlou jih a aging lou lou ding ging doh ham? hidi ahi.

fig. Microphone manchah didan

Laa sa jing nahi a, mun tin a min nankou jing ham ahiloujongleh Profession a lasa nahi leh Na aw toh kitoh Microphone nanei leh na che najouse a chu nakipoh a leh Na gel bang'a ichan ham a chu Na awgin hoi jing thei di ahi.

ahithei leh Professional Artist/Singer dia chu Na aw toh kitoh chuleh Laa nasah ji Genre toh kitoh a jong Microphone nanei thei nahlai ahie.

Microphone choi didan sei ute ;

Manchah kiti chu nahet chien leh ahi nadol tah a naman them ding, hitieng chuleh "the best out of it" result hungpot ding ahi. Microphone in gin alah lut dan "MICROPHONE POLAR PATTERNS" ana vel lechun nahet ding ahi. Cardiod Microphone chu amuh jouse jong nasip chah kheh leh a pickup pattern kikhel a Omni kisoh jeng ahi. hiche bou chu hilou, Aw gin jong ahidi bang'a gin lou ding, Frequency manipulate kibol ding ahi.

Live show ho'a na din doh a Microphone naman phat dih² leh amuh lang hasip lou ding ahi, ajih chu achunga isei hou chu ahitan hichun ipi buina asodoh thei ham iti leh Feedback aum sah thei, feedback aum tieng Technicians ho sou kitham bang jeng chuleh nangjih ahi koiman la hepontin, mi jousen Technician ho angoh kit diu ahi.

Feedback chu ipi jih a um ji a, iti a Microphone muh sip jih a umthei ham? Omni Directional Microphone hin 360° akiem vel a ging thei jouse alah lut thei ahi, achuti leh Microphone a thu nasei chu Speaker a hung ging doh ahi, hiche ahung ging doh pa chu avel a Microphone chun alah lut kit tieng leh Feedback hung um doh ji ahi.

Proximity Effect : Vocal proximity effect kiti hi Microphone toh nakam nanai sah beh leh Na aw chu pi deepduup jeng thei hichu kiseina ahi. Na thusei/lyrics akichih ding gellou a namuh toh Microphone nasuhto jeng a leh na awgin chu muffled (sung gin/kitum henhun) ding ima kichih lou ding ahi.

Na suhtuo nom ahijongleh na thusei/lasah lyric chu akichih ding nagel angai e. 

Microphone mai a nervouse hatmi nahi kit a, Microphone naman sih leh nakoi gamlhat jingkei ahikit leh na aw chu pum lou, ngaat (lack of warmth) ding ahi. Na awgin chu te deduh intin, nasei nasah doh het hah kit ding ahi chuleh ahung ging doh hetthei nadia Technician ho'n Microphone aheh hat kit leh feedback umdoh kit thei ahi.

Manchah hoitah tah nei a aman ji hetlou sang'a, hetna hoitah nei a manchah hoi behseh neijou hih jongleu hen ineikham kham phatah a manthem chu gamcheng in aphajoi na?

Music Gin/Sound akisuh leh akisuh lou chu Sound source a kipan ahi'n, chuleh Sound reinforcement a man chah abulpen, Gin ahin lalut tu/capture hinbol Microphone chu ahikit e. abul ahoilou leh achai napen a gin hungpot na Speaker a chu iti ginngei thei di ham na? Henge Technology ahoi in man chah ahoi tah² a um nai, ahivanga imajouse limited ahi tichu haimil lou a pha ahi.

Thei kham kham a kijih doh hetna hohi ahedia kilom in amu a, aphatchuompi tei nadin share bol tei ute.