.png)
Reverb a kimu aheh na tam tah umho khu ipi pi hia,
ama ho natoh ipi pi ham alhaang pi ve ute.
(Note : Dry Sound iti tieng leh Reverb Effect jao lou original sound tina ahi’n, Wet Signal iti tieng Reverb Effect toh kihal sound tina ahi).
Pre - Delay = Pre Delay a hi Signal khat chu Reverb toh aki hal masang a phat kipi ahi’e.
Vetsah na a : inop jongleh Signal chu Reverb Unit sunga alut lut a khu Reverb toh kihal (mix) pai jeng thei, inop jongleh milliseconds ijat hamkhat chu phat ki set pih a, hichi phat chu alhin jou tieng chuleh Dry Signal toh Reverb chu kihal pan thei ahi’e.
Time = abai lam a hetthei din, Time hi Virtual Space chu asao achom pihna ahi’e. Reverb chu Hall sao nadei leh Time hi naha heh ding, Room ho tobang a ging nadei leh na olpih ding ahi jeng’e. Room asao leh achom hichi'a hi na he di ahi'e.
Size = hichi hi Reverb Hall ham/ Room ham chu alet leh aneo idei dan dan heh doh nathei ahi’e.
Diffusion = ama hi Reverb Signal amei lang/among lang chu kiha thejal sah di ham, ahilou leh ki ol the jal sah di ham, ti a heh na ahi’e.
Decay = Reverb Signal chu gang tah a gin mang sah di ham, ahilou leh ol tah a agin chu ki thon mangsah di ham, ti chu hia hi kipi ahi’e.
Early Reflection = Hichi hin gin (sound) khat agin a, aging son masa pen pen ho (first reflection signals) atam leh alhom control na a ki mang ahi’e. ( Reverb Topic sim lechun hethiem tan nate ).
Wet/Dry = Original Signal toh Reverb kihal Signal (Processed Signal) ahal tuh na a ki mang ahi’e.
Reverb tam nadei leh Wet langa naha heh ding, Dry signal joh nahat sah num le Dry langa naha heh di tina ahi’e.
phachuom nasah leh lungset tah in "share" button akhun ei share le le pih o 🙏🏻
No comments:
Post a Comment