GUITAR TABLATURE NOTE SIM DIDAN - II

 TABLATURE SIMDAN || SIMMUN 2

fig. fret number holeh khutjung number.

Simmun masa chun thu makai leh Guitar gui hotoh Tablature line kijih ho kisamkai dan ina sim tauvin. na velvet num leh hilai hi meh in 👉 SIMMUN I. agui (string) min ho chu na chinpha lou leh khonung'a nabui ding, abullang naga phet phet kit dia um di ahi'e. hijih chun chinpha tei in. aban anaveute.

Guitar hi'n agui (string) leh amin hobou anei ahipo'n, angong (neck) chu abih bih cha hopkhen jong ahi.

ibol a abih bih a kihom khen ham iti leh, abih bih a agin dan chuom chuom anei ahi, nasip sang cheh cheh leh agin jong sang cheh cheh ding ahi. hiche agin chuom chuom hochu isipkhom tieng gin kigomkhom ngei tah tah (chords) ho kitum ging ji ahi.

fig. Guitar ngong (neck) abih (fret) a hopkhen na.

NUT/FRET NUT

Guitar lu (head) apat angong (neck) a agui ho kingap na masapen khu NUT kiti ahi. NUT akisuh lou leh na Guitar gui ho gin dan kisuhlou ding, ahehtuh (tuning) jong dih hahsa/dihtheilou ding ahi. Nut akisuh lou leh Guitar gui leh fretboard kikah jong kiha kah intin, isip dingleh hasip ngai, tha hasen ngai ahi. agui ho chu phatah a agin nadia apoimo masa pen pen khat ahi'e. Nut a agui kingap dan akisuh lou le fretboard lhungkei a Guitar chu agindan dih thelou ding ahi. Nut a agui (string) kingap dan chu fretboard toh akinai behseh kitleh na tum tieng agin thel kit ding ahi. agin thel chu agui chun abi khenna thih (fret-nut) hochu atoh khah tina ahi.

ABIH (FRET) NUMBER

Guitar ngong (neck) abih bih a kihopkhen na chu kiseina ahi. Guitar lu (head) apat kisim a, Guitar tahsa (Body) langchan chu kisim phei phei ahi. Guitar lu (headstock) lang chu asuhlang akiti in, a tahsa (Body) lang chu atoulang in akisei e. alhang pi in Guitar hi fret 19 loi aum in, 20, 21 hiti chun fret 24 chan in achuom chuom aum e. atamjo jong aum nai, ahi'n deichuom a kisemsah (custom made/signautre) ho ahiji tai. FRET NUMBER ahileh String lines ho kisut khum number hokhu ahi'e. Number kisun hokhu navet jeng'a ahileh dihkit lou ding, aki sut khum string pen toh navet tha a, hiche string'a fret hijatna chu na sip a, hiche string chu natum leh dih ding ahi'e.

FINGER NUMBER

Line sung hilou a, Line polam a-ong lai lai a kisun, anuoilam a-ong leh anuoi lam a kisun, achunglam a-ong leh achunglam a kisun, ahivanga string ho tongkhalou, string ho kisut na line polam a kisun number hokhu veilam khutjung ho number ahi'e. Hiche kipe ho toh kituh tuh a um string line kisutkhum fret number hochu naveilam khutjung'a nasip ding ahi.

Khutjung ho hilchetna hilai a hi nasim thei ahi 👉 GUITAR FINGER PICKING LESSON

akhatvei na ah avetdoh hah intin lungbui umlah lah nan te, ahichu ivet vet phatleh kinaal jep jep a, Finger number hojeng jong khu havet lou a hitia chu acham cham a kitum dih jeng thei ahi e.

simmun a dohnum ho comment a doh jeng thei, akichih lou hapbe dia nadei aum jongle neihin suggest thei ahi.

Post hi share nathei thei a nei share pih tei din kantiem e.

Kakipah e.