Vocal Recording

Studio sung'a laa naga sah di hitam?

Naki got tup didan Article masa a chu kasei ahita'n. ahi'n Recording Studio a nalut tieng leh Nabol ding holeh Na bollou ding ho neokhat gah sei ute 😊

BOLLOU BEH DIA PHA

1. Artist khat hina jal a Min Nan gel didan leh min nan mu didan jong na gel ngai in, Professional khat chu (Public figure) jong care ngai ahi. Ipi jeh a isei ham iti le ham leh pao kilom lou manlou in apha'e.

2. Tot leh nui habol hih in, houlim na holeh nui ho'a hi tha kiseng ahi. hijeh a chu na lasah nadia na aw tha chu beivah loichal thei ahi.

3. Vocal booth na lut masang'a  TOBACCO (Pan leh Khaini ahilou leh Churup) ho ne hih beh in, Na aw chu gel sanga thengmo joding ahi. ngei louhel ding ahi.

4. Studio a lakhum di khat La note (lyric) chinpha a pulou khat chu, alasah di ahet minlou tina ahi, bol hih beh in, min na laa mindeh in cover hinbol leh original nang aw sanga ngeijo thei ahi.

5. Nanga dia apoimo example : tuilum ngai am ahilou leh lou le ai ngai am hichi hochu nang mihina a na ngaichat ahi'n, kipoh ning lhing in. 

6. Lasa dia nache leh thudang ladang in na lung alah mang nalou din ching thei in, lungtheng tah a na um ngai ahi. kisuhmo theina neocha cha ahi'n, hiche neo cha cha hojeh a na lasah hoimo jeng thei ahi.

7. Studio engineer ho toh frank tah a naki hou thei lou leh nadei bang ahetlou diu, na dei bang na sei theilou ding ahi. ki lesta/ham nom lou bol hih in.

8. Kineosah in Musician holeh Studio engineer hokom ah, na min phat leh na minset ama ho apat alhom pen a 30% tobang um ahi.

9. Microphone nan koipeh chu na awgin hoilou ham, nadeilou ham leh Microphone adang kithum ding da hih in.

10. Hibang ma achu na Headphonne a Music chu agin ngeilou leh ahilouleh Music najah hoilou ham, Na aw naki jah lou ham? La nasah chu anopmo leh nadei bang in guontup sah in, hiche ho sei ding da hih hel in, ama ho bol dia lha ahi.

BOLDIA PHA

1. Na tohkhompi hochu loi le pai bang in bol in, kinel (friendly) tu'un, ahin ki jaa tu'un.

2. Producer ho lunglhai na banga naki guon ngai ahi, ahiloule nama ban jiing inte. nan sponsor num tahlou diu ahi.

3. Lyricist pa dei banga pronunciation leh dictation phatah in kijil in.

4. Tune composer pa dei banga na aw chu lenglou hiel din, lakai kijil in.

5. Music toh kilhon ding leh Na laa mood dungjui in, Nangma mood chu ki control inlang, ki guong tup in. Lasem pan asem pet a apuhnat/alunggel ho chu nang in jong nanei thei chan nakijil leh nakiguot angai e. 

6. Na aw chun, na min athe thang di ahi ti henlang, lasah/lakhum moh bol bol ding ti lunggel nei hih beh in, na kison lou a, naki gin minset lou leh lakhum chu ol a nathep langa ding guong jieng in.

7. Lakhum di nahileh na lakhum nadia mi poimo hobou toh kilhon in, mitin napui leh mi theida leh lunghan na suokha'n natin, hichun na production jong asuhkhah thei ahi.

8. Vocal booth sunga electronic thil ho choilut lou in aphai. Lyric hojong chinpha in nalungah kipuoh in, nang dia navah na hintin, professional Artist ho hidan kilom tah khat jong ahi.

9. Na jun na eh kithah theng in. Jun leh Ehsuo jih leh sung nopmo hin, i awsuo ahiding banga asuodoh lousah thei ahi. lasah di kun chakhat a (within 30min before recording) in ima ne ta hih in, tui jeng jong ha don hih in, hiche masanga chun chaisoh in. 

10. Microphone holeh Headphone hochu thil mantam ahi'n, diim tah in mang inlang, chingthei tah in um in, suhtoh ngai aum leh nang Artist nahi, tham hih in, atong hojoh seipih inlang, kiseptup sah in. ahelou dia imalou theh a suhset bai thei thilngen ahi.

Na phachuom pi leh lungset tah in, hiche post hi share neibolpih tei din kantem e.

Mi tamtah in aphatchuom tei nadia natohpha tong di  ka tiem e.

Na hapbe nom aum leh lungset tahin comment ah hinsei o.

Kakipah e