MAJOR SCALE || GUITAR KIHIL NA

Major scale kiti hi Music ading'a abulpi pen ahi'e. Chord jat jat kisem doh na holeh, Scale jat jat tampi aumsa hihen na semthu di hijongleh chuleh Chord progression hojeng jong abon a akikhailhah naleh abulpi pen chu hiche Major Scale hi ahi. Scale iti tieng leh Guitar solo (Lead) ho ading bou'a gel jong iumkhah diu ahi'n, hiche ding bou chu hilou in, apoimo dan chu nahet chen louleh Music nahet na chu khatvei nasuh dong (limited) di ahi.

MAJOR SCALE

Major Scale hi Diatonic Scale akiti e. ajih chu agin asan leh anim kiguol dan hi kilhuong deldel a (Whole Step/Half Step) a che peh ahi. Whole Step iti tieng Guitar ngong'a chu Fret ni (step ni) kiseina ahi'n, Half step iti tieng leh Fret khat (step khat) seina ahi.

• WHOLE STEP = Fret ni (semitone ni seina ahi)
• HALF STEP     = Fret khat (semi tone khat seina ahi)

fig. Guitar Fret a Whole/Half Step vetsah na

Major Scale kisem dol STEP formula anuoi a hi ahi;

WHOLE - WHOLE - WHOLE - HALF - WHOLE - WHOLE - HALF

hitia kijih ahilou leh anuoi'a bang'a achomlam a kijih namu ding ahi : 

W - W - W - H - W - W - H

Achung'a isei u Formula (step) dungjui in G MAJOR SCALE ana ve leuhen ;

• G akon a A chu WHOLE step khat ahi [ (semi tone ni) G - G# - A ]
• A akon a B chu WHOLE step khat ahi [ (semi tone ni) A - A# - B ]
• B akon a C chu HALF step ahi [ (semi tone khat) B - C ]
• C akon a D chu WHOLE step khat ahi [ (semi tone ni) C - C# - D ]
• D akon a E chu WHOLE step khat ahi [ (semi tone ni) D - D# - E ]
• E akon a F# chu WHOLE step khat ahi [ (semi tone ni) E - F - F# ]
• F# akon a G chu HALF step ahi [ (semi tone khat) F# - G ]

anuoi a Guitar ngong (fretboard) ah hin ana ve'ute.

fig. Guitar Fretboard a 6th String a G Major Scale position

Major scale kiti hi eiho'n Tonic Solfa iman u tobang ahi'e, Ipi laa hihen, ipi KEY a sah di hijong leh Solfa note d r m f s l t d' mangcha'a kisun jeng, amabou chu mihem sah thei dia Root KEY kihol doh a, Solfa note a laa kisun chu hiche akipe KEY a chu kisa ahi.

Major Scale formula achung'a ikihil u hi hitobang chu ahi'e, Formula chu ipi KEY a hijongle natuo (apply) leh hiche Root KEY ading'a, Major Scale chu nahol doh ding ahi'e.

👉 kichih nasah lou a, dohnum/seinum nanei leh lungset in anuoi a comment box ah, hinsei tei o.