Laa aguong suhtuh didan/Laa jih didan

LAA AGUONG (SONG STRUCTURE) IPI HAM?

Laa um jouse hi vet leh alhangpi in bih (part) thum in akihom suhkei e : Verse, Chorus, chuleh Bridge. Laa kithang tah tah tamtah ho jong Verse/Chorus/Verse/Chorus/Bridge/Chorus ti'n, hitobang ma hin abih bih cha'n akiguol e.

Anuoi ahin abih bih a kihom khen ho aluonkhom dan ana ve ute :

CHORUS : Thuchang jong kibang jingkei, akai (tune) song kibang jing kei namun chu ahi. Chorus mun a thuguol hin, alaa apumpi in aseinom jousi chu kigom khom, laa adia alungchang lai tidi ahi'e. Hilai tah hi angailha (listeners) hon avel vel a angainum kit u, chuleh amelchih nadiu mun chu ahi kit e. Nahet di khat chu, hilai mun a hi Na laa min (Title), min iti na laa ahet di nadei am hichu pansah tei in. alhangpi a hichi la min di chu (Title of the Song) chu Chorus thuguol masa ahilouleh achaina thuguol ah apang ji'e.

VERSE : Thuguol achuom chuom ahivang'a, alakai (melody) kibang jing chu Verse hi ahi. Verse lai hin ilunggel ingaito na eipui thuh thei ji'e. Chorus in asei nom chu hilchet jep a, Chorus laitah a lainatna/lungthim puhnat na lunggel kijep lutpa chu seichen jep leh hilchet jep thei ahi'e. ajih chu Chorus a chu thu kibang bang avel vel a kisa kit ahijih a chu, Verse a hi angai (listeners) ho'n laa kisem nalo chu ahetthei uva, alung'u akuoi thei nadia thu guol ngai ahi.

BRIDGE : Bridge hin atum beh a thuguol (lyrics) leh akai (melody) anei ahi. Verse ho'a thu kisei lunggel/lungput akon'a lungthah putna, kihei danglam na tidi ham (turning point) ahiji e. Hijih a chu Bridge laitah a hi, na lungguh a nasei nom chu khaotah (strong) tah a nagol lhah jeng thei, duthusam tidi ham, natahsuo nuom chu nakhelhah jeng thei ahi.

PRE - CHORUS : Verse jou a Chorus lut nadi'a thuguol chomcha um hi Pre-Chorus ahi. Hilai a hi ahunglhung thei dia nagel/alhung dia nadei lunggel thanopna ahilou leh lunggel nopna tah chu naje lut thei, hichun Chorus chu thuguol dang jousi sang'a, an dopsang'a, lungkuoi thei tah ansuodoh di ahi'e.

HOOK : achung'a CHORUS a kisei bang'a "HOOK" hi thulu (special line/special words) bailam tah a laa ngai (listeners) ho'n amelchih thei'u kiseina ahi. hichu CHORUS mun a kimang ji, thugol masa ham ahilou leh thuguol achaina a kimang ji,ala min a jong kimang ji khat ahi'e.

Hiti tobang'a laa minthang tah tah thuguol guoldan man hi thilpha tah ahi'e. Naman lou a jong hithei ahi ahivang'a hitobang'a laguol/thuguol kiguol tuh hin, angailha ho lung akuoibai e ti chu Tumging (Music) lang'a chihna thepna sang nei holeh ahin hechen (experienced) ho'n asei uchu ahi.

Thuguol/Thuchang naman hobou bou a chu na laa chu nasuh gil di tina ahipoi, amavang alakai a jong nasuhgil cheh'a, alakai (melody) chungchon a chu CHORDS a jong na lunggel ngaitona (feelings) naje lut di ahi'e. avetsah na a CHORUS laitah hochu angai (listeners) ho'n hakhuol lou a CHORUS ahitai ti ahetthei nadiu'a, akai chu nasuh sang thei chuleh CHORDS hojong chu asanglam namanthei, ahilou leh akai (melody) chu nasuh danglam jep a Beat Pattern jong nalheh thei ahi. Laa in aseinom lunggel ngaitona joh a chu angailha (listeners) ho'n alunggel uh asen nadiu, laa joh chu ahetthem (feel) uva, ama ho'n jong lunggil tah a (deep feeling) neipum'a angai diu chuleh a laa toh akilhon khom diu joh ngaito ding, laa a hoilai ka ngai hitam? chorus ahilou leh verse hammo? tia laa kiguol dan a abuikhah diu ven in apha'e.

Laa na ngainom tah tah hochu ngai inlang, hoilai chu Verse hia, Chorus hoilai ham ti hedoh gu'n lang, ama ho'n Laa aguong (structure) chu iti aguol tuh uham ti hedoh lechun chuleh Chorus chun laa siempa lunggel/lungput jousi apuh dan leh, Verse in ahilchet dan ho, Lakai (melody) in hoilai chu Verse hia,Chorus,Bridge hoilai ti akhen dan leh lunggel ngaitona (feelings) ajelut dan, CHORDS in ahei tuh dan ho khuolchil lechun thiltam tah nahet doh um ding ahi'e.

Hiti'a chu nabol thei'a, nabol jou phatleh, hiche nakhuol dan ah chun Laa khat jih in lang, laa siem lechun, nang dia Lajih/Labol nahetna kibe'n tin (Songwriting experienced) hoi lheh ding ahi'e.

achung'a thu jouse hi Robin F kiti pa'n asut kasim a hoi kasah ma ma chuleh keima'n hetthei didol tah a kanbelap kanjih ahi.

Phatchom pi thei tah ahileh lungset tah in hichi page hi, mi tah tah in asim a aphachom pi tei nadin, share bol ti'n mikhat khantou be na'a apalai in pang te ti'a tep nahi.

Kakipah e.