MICROPHONE POLAR PATTERNS HOLEH AKI MAN NA

MICROPHONE POLAR PATTERNS HOLEH AKI MAN NA

DIRECTIONAL :

Cardiod jong akitie. Cardiod ah jong Super Cardiod leh Hyper Cardiod aum kit e. Ipi hile ama ho hi category khat ahin, gin alah lut dan uvang kikhe jep e. Microphone directional Polar pattern aki titieng, changmil a side khat tina ahin, hichi tobang hohin amai(front) langa ging gin(sound) bou alahlut ji ahi. aning lang jousi leh achung, anui a gin(sound) ho alahlut behseh lou hai. (more sensitive in the front and more rejection in sides and back)

AKI HA MAN NA :-

Hitobang Microphone hohi, Live a chang lasahna, chang thuseina chuleh gin tamtah gingkhom lah a khat bouseh miking nabol num leh ahoi e. ajih chu amai lang bou apat gin atam lahlut ahijih in, microphone khuonsah (feedback) ho alhom e. Studio ho a lakhum na ahileh Laa sanu/sapa(Artist) awgin (nuances) dungjui a achung langa imin phah Small Diaphragm/Large Diaphragm jong geltuh angai e.

BI-DIRECTIONAL :

“Bi” hi ni (2) tina ahin achutileh side ni (eipao a 🤷‍♂️) apat gin (sound) alahlut thei tina ahi. Microphone Bi-Directional Polar Pattern akiti tieng, amai leh anung apat gin aha lahlut ji ahi. akiem vel jousi apat chun lalut thou nante, theory atoh atah akikhiit na chu neokhat khat umji mong ahinai.

ahia chu ajiit avei (left/right side) a sanga chu amai leh anung langa aha lahlut tina ahi. amai toh anung lang sensitivity hatjo, aside lang rejection haat ahi.

AKI HA MAN NA :-

Bidirectional Microphones hi mini lasah ki ngato ho ahilou leh instrument kikoi khom a, alai tah a microphone akikop diuva kikoi naho adin aphae. khat amai lang ngatsah a, khat anung langa. Live ajong amang thou u.

Studio a vang akiha man ma2 jenge, M/S Stereo Recording kiti ho aum in hitobang techniques ho achun akiha man e.

OMNIDIRECTIONAL :

Omni-Present thuchang najah khah di hia na? hichu ahijenge.

Microphone Ominidirectional Polar Pattern aki ti tieng leh

aki koi na/aki tun na apat akiem-kuol vel(surround),

anung (back), ama (front), ajiet(right-side), avei(left-side), achung leh anui(up&down)

apat gin(Sound) jousi ahiip lut/alah lut thei ahie.

AKI HA MAN NA :-

Akiem vel jousi a ging ho alahlut thei ahijih in ama hi instruments tamtah miking khom holeh mi lasa kiloi khom na a miking nadin ahoi e.

Hou-Inn sung akiha thong behlou na mun ho’a choir/group ho lasah na din Small Diaphragm Omnidirectional Microphones ho ahoi e.

ahia chu ama hi agingthei jousi alahlut jieng ahijih hin,

Microphone hungkhong (feedback) umthei na chance alen e.