GUITAR CHORD CHART/DIAGRAM VET DIDAN

Guitarist jouse'n ajil masah pen leh ahet masah pen khat chu CHORD CHART vet didan hi ahi.

CHORD CHART hi KEY kisip dan leh khutjung ho panmun ding chuleh tumkhah di leh tumkhah lou ding ho hetbailam na tah ahi'e.

Vangphat umdan chu, hiche hi hahlou hel a, Article kichai tieng nahet paijeng di ahitai.

Amasa pen ding in CHORT CHART anuoi a hi ana ve'ute, number kisun holeh thildang dang iseichen masang un, hiche hi ana kihil masa ute.

fig. Blank Guitar chord chart

Hiche achung nung pen a, line kikai aha vom dihset ahilou leh adang dang sang'a akai lien pen khu Guitar NUT vetsah na ahi. Hiche NUT a khu Guitar gui jouse hung kijam a kingam lha masa suhkei ahi.

(nut ahoi/ahoi lou jih a Guitar gin asuhkhah dan 👉 hiche'a nasim thei ahi'e 👉" NUT ARTICLE ".

fig. Guitar Frets

Hiche NUT ban a BOX masa pen khu 1st FRET akiti in, aban ban khun, Guitar tahsa a ahom (Hollow) um chan chu FRET number jat ti'n akisim toupeh e. Guitar ho alhangpi a eiho lah a um hohi FRET 20 apat 25 chan hi ahi'e.

fig. Guitar String names

LINE aki pheikai (horizontal line) hokhu Guitar ngong abih bih a khenna (FRET) ahi e. chuleh LINE aki suhkai (verticle line) khu String ho vetsah na ahikit e. String ho jetlam pen khu 1st string ahi'n, aban a khu 2nd string hitia chu Veilam pen pen khu 6th string na ahi'e. Hiche diagram ato a kisun bang'a khu Guitar Standard Tuning a iheh tieng Open string note ho 6th string apat 1st string chan chu E,A,D,G,B,E ahi'uve.

BLANK CHART isei jou tauvin, aban ah Numbers kijih ho ana seichen kit ute. VEILAM khutjung hohin number aneisuh kei ahi, nahet chet nailou leh hiche hi sim in 👉 VEILAM KHUTJUNG.

hiche veilam khutjung hohi 1 apat 4 chan alhangpi ahi in, abang leh "T" jong akimang ji'e, hiche chu imu tieng, ikhutpi (left hand finger Thumb) a fretboard chung'a pat hinsip di tina ahi'e. anuoi a diagram a hi muthei ahi'e. "T" kikoina string a dot avom khu veilam khutpi a sip di tina ahi.

fig. Guitar chord chart using markers

BLACK DOTS leh CIRCLE?

Hiche avom kikoi khum string chu hiche aumna fret laitah a khu fretboard toh nameh beh di tina ahi'e. hiche naban a akuol a achung a kijih circle khu ipi ham iti leh hiche toh kijon string hokhu tohkhah lou a tum ding (open string) tina ahikit e.

"X" KHU IPI KISEINA HITA?

kahkuom leh NUT chung'a khu "O" bouseh hilou a "X" jong imu ji diu ahi'n, hiche "X" khun akikoi na string chu tumkhahlou ding ahilou leh tumging lou ding ti avetsah ahi'e.

achung'a isei hou jouse hi, Open chord chart ahi in, na hetsang cheh cheh leh Barre chord technique ho nahin tuo di ahi'e. anuoi ah avetsah na khat ana sei ute.

fig. B chord

achung'a chord hi ivet leh 5th string apat 1st string chan 2nd fret na khu khutchal a sip ding ahi'e, hiche khu BARRE kitilona chu ahi'e. aban a ivet leh 4th fret na'a, 4th string finger number 2, 3rd string finger number 3 chuleh 2nd string finger numer 4 a sip ding ahikit e. chuleh "X" kikoina 6th string khu tumkhahlou di ahi'e.

CHORDS ho nan het tam cheh cheh leh 5th fret apat achunglam se vang BARRE TECHNIQUE ngen nahin man toupeh ding ahitai.

Article hi hoi nasah a naphatchuom pi leh khattou injong aphatchuom pi tei nadin, social media ho'a share nathei chan in share ute.

Hilai a ki cover joulou Youtube Video a navet nuom leh 👉 GUITAR CHORD CHART EXPLAINED

TABLATURE simdan nahet nuom leh hiche hijong sim tei in. 👉 TABLATURE SIM DAN