COMPRESSOR

Compressor iti tieng amin hin jong asei jeng ta'n.

Compressor'a um a setting ho na koi dungjui’a chu

ginkhat sung’a ahung hagin lai ho asot niim (down) chuleh

a olgin lai ho jong akai ging (boost-up) thei ahi.

Compressor jong chi (types) dang dang aum in,

achi (types) dungjui a aki man na ding dol umkit ahi’e.

Chi (types) umho chu akit tieng sei utin,

tuhin Compressor a um ahehna (knobs) umho khu

ipi pi hi ham chuleh anatoh ujoh sei ute.

alhaangpi’a kimu ahehna (knobs) um holeh anatoh u anui’a bang ahie:

[ Attack iti tieng keitoh nabah leh aki ha heh laise a

Attack hat ding chuleh fuh ding na? ]

THRESHOLD

Audio signal hi ahagin lai, a ol gin lai um ahi in,

ahung hagin lai ho chu ijat db apat Compress abol di ham ti chu,

hichi Threshold kikoina mun hin apuh ahi.

akichihjep din; Audio signal chun Threshold nakoi na mun chu akhokhel gut leh

signal chu ki compress ding/ahagin gutlai chu agin olsah ding ahi.

Audio signal hagin gut lai chu ama dinmun chan a chu amat den gut ding ahi’e.

ATTACK

Audio signal chu Compressor sung’a aluonlut a,

aha gin lai chun Threshold nakoina mun akhokhel gut,

hi’a chu compressing abol pat tieng leh,

Compressor in gangchel a compress abol di ham,

ahilou leh khongai jep a,

ol a compress abol di ham ti aphat (time) kipihna ahi’e.

RELEASE

Audio signal ahagin lai ho compressor in compressing abol a,

a ol gin lai ahin phah tiengleh Audio signal chu

Threshold nui lang hung gei di hita hia,

hichi Threshold chun Audio signal chu a compress ahijih a chu,

anlhadoh kit ngai hia, hichi alha doh pa chu gangchel a alha doh ding ham?

ahilou leh oingaan jep a alhadoh di ham? hichu agan/angaan kipi ahie.

HOLD

Audio signal ki compress chu Threshold nui lang ahung gei suh ding tieng leh,

Threshold mun a chu hichi Audio signal chu chomcha natuhden sah num leh

hichi’a hi na pih ding ahi.

ahilou leh akichih jep di’n; Release abol masang’a chomcha amat den nathei ahi.

RATIO

Ratio nakoi niim (low) leh ki ol compress ding,

Na heh sang laise a chu kiha compress ding ahi’e.

Ratio hi 2:1 a nakoi ahileh Audio signal chun 2db a Threshold chu akhokhel leh,

Threshold chunga chu 1db bou alha ding ahi.

akichih jep khah leh;

achung’a tobangma a chu 3:1 Ratio a nakoi leh

Audio signal chun 3db a Threshold chu akhokhel gut,

aki compress leh hichi compression jou’a chu 3db hitalou a, 1db bou hidi ahitai.

KNEE

Knee ah hin HARD KNEE leh SOFT KNEE aum’e.

HARD KNEE : Audio singnal ahung hagin phatleh Hard Knee point lai chu aphah tieng

thakhat a/gangchel a Threshold abo ding chuleh

hitobang ma achu Audio signal chu ahung ol gin phatleh

gangdeu a signal chu kiemsuh kit ding.

SOFT KNEE : Audio signal ahung hagin ham ahilou leh aki compress jou’a,

ahung ol gin tieng leh ol a signal chu hung kumsuh ding

ahilou leh smooth deu ding tina ahi.

anuoi'a video a hi akichih jep din ve kit o