Chord Progression & Chord Degree hilchet

Tonic solfa modulator chang nahet am? ( d r m f s l t ) hichu nahet leh bailam nasah jep ding, nahetlou leh jong olmo dih hih in... mijouse hetthei didol tah a isei diu ahinai 😊

Imajouse'n Dan leh Muol juiding anei bang'a Music a jong hin juiding aum'e. Dan ihet joutieng Dan sung'a chu inop dan dan a iki pei lele thei ahi na? anuoi a hin ana ve'ute.

CHORD DEGREE KISUT DOL :

Chord hohi Root Key chu akhatna (1st degree) akiti in aban ban in DEGREE anei suhkei uve :

[ I - ii - iii - IV - V - vi - vii ] 👈🏻  hiche akijihdan Pattern hi vele chun Roman number ngen a kijih ahi'n, hiche hi Chord Progression jih dan ngaina ahi. Capital a kisun ahitieng MAJOR chord tum ding tina ahi'n, small letter ahitieng leh MINOR chord tumding tina ahikit e. (anuoi a lim kipe vele chun nahet dan kichihjep inte).

NOTE : Hetdi khat chu Root KEY jouse'n ama chord progression semdoh na a, hiche akijih dan CHORD PATTERN hi ajui suhkei ahi;

I = major (1st), ii = minor (2nd), iii = minor (3rd), IV = major (4th), V = major (5th), vi = minor (6th) chuleh vii = diminished (7th)

C KEY CHORD PROGRESSION

fig. C Major Chord progression

Note : Chord chart vet dan kihil na 👉 "CHORD CHART"

MAJOR SCALE nahet leh hiche Chord degree hohi nahet di ahi'e, Chord degree iti tieng akiman dan chuom ahijih a aki minvo dan jong chuom ahi'n, ama vang formula kimang hi (click 👉) Major Scale Pattern toh akibang e.

eiho lang'a Music jil atamjo in C KEY a kapan a hitia KEY dang dang kijil be ji ahi (adih a Keyboard jil ho), ajih chu ama hin Sharp toh Flat note anei lou, hiti jih a jong chu het bailam pen kisa ahi'e.

ahileh, C major scale chu C - D - E - F - G - A - B ahi. chuleh Chord progression kisut dan formula (achung NOTE sim lechun) akon in imu tauve. hiche C MAJOR SCALE a note ho'a pat ama ama chord kisemdoh dipen CHORD MIN (chord name) formula a eiki pedoh ahitai na?

ahileh C MAJOR scale a pat a CHORD hung umdoh thei ho chu anuoi a hohi ahi'e :

C major - D minor - E minor - F major - G major - A minor - B diminished

Hicheng CHORD SAGI hohi ipi ham iti leh C KEY chord progression kiti ahi'e. abailam pen a sei dia, laa khat chu C KEY a napat leh chord akimang thei hochu hicheng khu ahive. ahilou leh Laa nasem ding ahitah jongle C KEY a nasem leh hicheng chord khu naman leh akai (tune) chu la ngeitah min asah a ngei nasah ma ma tobang'a luongjel jong nasem doh thei, na lakai chu ging tuh mosesu lou hiel ding ahi'e.

hicheng chord hokhu na master tiengleh C KEY a laa kisa pou pou chu buoilou hel a natum lhah jeljel thei ahitai. ama vang advanced chord progression ahi tieng leh chords dang dang jong hung pot thei nalai ahi ti chu ana hejing ute. Hicheng isei ho'u hi abul ahetlou poimo ma ma ahi'e.

hiche chord hohi moh um ahijeng po'n, akisem dan formula aum e. lesson aban a isei diu ahi, hichu "TRIAD CHORD" kiti, chord kisem dan ahi.