GIN AHAT AHATLOU TENA

(𝐒𝐨𝐮𝐧𝐝 𝐋𝐞𝐯𝐞𝐥 𝐌𝐞𝐭𝐞𝐫𝐬)

Tua isei diu hohi 𝐌𝐔𝐒𝐈𝐂 siemna a ki mang hobou ahi. Thil asao dan/asan dan/alet dan ite di leh INCH, KHAAP, TONG, FEET tiho aum e, hichi banga Gin (sound) jong atena aum e.

Gin hohi ahat leh ahat lou dan DECIBELS (db) in akisei e. Alexander Graham Bell, Telephone hinsiem doh pa akon ahin, db khat iti tieng mihiem in ahet khen thei gin kikhel neo pen a kisei ahi. db sanga neo jo gin kikhel vang mihiem in kimoh het khen thei lou ahitai.

db ah jong DECIBEL UNIT (dbu), DECIBEL FULL SCALE (dbfs),
DECIBEL TRUE PEAK (dbtp) kiti ho jong aum e. chuleh A weighted, B weighted, C weighted tin ajat jat aum e. ha lut thuh lou in, eiho hetkham din sei ute.

𝐆𝐢𝐧 𝐭𝐞𝐧𝐚 ( 𝐋𝐨𝐮𝐝𝐧𝐞𝐬𝐬 𝐌𝐞𝐭𝐞𝐫) 𝐡𝐢 𝐢𝐩𝐢 𝐡𝐚𝐦?

Gin tena hi Music Production, Mixing leh Mastering bol na achaina chan a ki mang,
hichi hin track khabou ahilouleh track tampi agom a (entire mix) agin ahat/ahatlou muthei a veththeina ahin, chuleh Music isem chu aki man nadi dol ho’a aki ngaichat dungjui’a ahat/hatlou vetlhah na a jong ki mang ahie.

GIN (sound) ahat leh hat lou ( sound level ) aki te na chi tamtah aum in, ama ho sungthu jong sei di atam lheh e. Sound Meter/Gin tena um jousi hi hoi chipen hi man thei pen ham ahilou leh man thei lou pen ham ti sei di hi ahah lheh jenge.
Hoichi pen hin, hoilai ate a, ipi lai ate ham ti hetthiem hah lheh jieng ahi.
ahichu Tulai ipi kiha man pen am? kikhuol henlang, ajih toh kihe henlang,
hitia chu hoichi iman them pen am/eima natoh toh kitoh hoichi ham ti iki hetdoh angai e.

Sound Meter/Gin tena aum jousi kila khom hen lang Laa khat agin hat dan tena in kinei henlang, BIL dia aha gin leh olgin chom don lou in, a tena/meter level vet tho in ki heh tuh jieng taleh, a tena/meter level muthei a aki bah vanga chu iBIL a ijah dan vang kibang lou hiel di ahie. khat hat tei ding, khat ol tei ding ahie. hichi bangma a chu, BIL a ijah dan in kiheh tuh henlang hileh atena (Meter) hoa chu a level kibang kit lou di ahitai. ajih akisiem lo na’u achuom chuom ahitoh lhon a, hichi machine ho chun a focus na’u achuom chuom ahi.

abulpi teni gahve ute:

𝟏. 𝐒𝐓𝐀𝐍𝐃𝐀𝐑𝐃 𝐕𝐎𝐋𝐔𝐌𝐄 𝐈𝐍𝐃𝐈𝐂𝐀𝐓𝐎𝐑 (𝐒𝐕𝐈) 𝐨𝐫 𝐕𝐎𝐋𝐔𝐌𝐄 𝐔𝐍𝐈𝐓 (𝐕𝐔)

Masang lai TAPE RECORDER ahilou leh DECK TAPE ho’a ana kimu ji,
laa ilha phat leh alai lunga hiu (needle) jangkhat jet leh vei a chatle le ji,
ama hi oingaan jep 300ms phat sung ala ji akitie.
hi ho chu SVI or VU Gin tena (sound lever measurement meter) ahi.

Aphatna khat chu Hichi SVI or VU gin kitena (sound meter) hi mihiem in ibil a gin (sound) ahat ahatlou ijah dan toh ama’n muthei a hiujang’a (needle) apih jat khu aki joi e akiti’e.
hijih a hi gollui miho’n ana ha manchah num joh u ahi. Tukhang Digital khang a hi VU Meter jong aum nan, ama toh kijoi pen kit chu ahileh RMS (Root Means Square) Meter kiti aum e.

𝟐. 𝐏𝐄𝐀𝐊 𝐏𝐑𝐎𝐆𝐑𝐀𝐌 𝐌𝐄𝐓𝐄𝐑 (𝐏𝐏𝐌)

1932 vel a ana kisiem ahitai. SVI or VU masanga. ama hi “Quasi Peak Meter” jong akitie.
PPM hi ahileh tulai a mixer 6 channel, 12 channel ho’a kimu led light, “Hallo” iti phat leh avah chaal tou jia, gin aumlou phat leh chaal suh ji hokhu ahie. PPM ah hin LED bulb neo cha cha ho khu aki mange. alim amel VU meter tobanga kisiem jong um, alim a seikhen thei jeng vang ahipoi.

PPM in gin ate dan ahileh gin ahagin lai, a olgin lai (waveform Peak) ajui jeng ahie.
ahidi dol (standard) tah a kisiem PPM in 5ms phat sung alah ji ahi akitie.
mihiem in ijah man thei chan a ging hochu gang chal chal a aha gin/a ol gin hojong hitia chu amat jieng a, avah chu kiem suh leh kaltou matchet jieng ahi.
Peak Meter hi DAW channel strip atamjo a kimu hojong ahie.

PPM ahoina khat chu ahung ha ginlai dihset ho kihe dohthei,
VU a avang alhaangpi a ate ahi jih a chu het hahsa jep ahi.

SVI/VU Meter a 0dbu toh PPM Meter ho’a -18dbfs khu agin level kibang ahi jong akiti.
Gah sei sao be din, DAW a channel strip a na level chu -18dbfs ahi tieng VU Meter in 0dbu ako tina ahi.

Adang tamtah jong aum e, adih a tulai a kiha man TRUE PEAK, RMS, LUFS/LKFS kiti hohi aban tieng isei diu ahi.

ahin hiche ho jousi hi achunga isei teni u pansa a, aki jen jo (extended or upgraded version) a ki siem, Khangtou toh dungjui a, Laa kilha na mun ho (Playback Plateforms) toh kituh a atenop nadia kisiem ngen ahi.

𝐍𝐎𝐓𝐄 : 𝑎𝑘𝑖 𝑠𝑒𝑖 𝑗𝑜𝑢𝑠𝑖 ℎ𝑖 𝑀𝑖𝑥𝑖𝑛𝑔 𝑙𝑎𝑛𝑔 𝑎𝑘𝑖 𝑝𝑎𝑡 𝑝ℎ𝑎𝑡 𝑙𝑒ℎ 𝑘𝑖 ℎ𝑖𝑙𝑐ℎ𝑖𝑒𝑛 𝑡𝑎𝑙𝑜𝑢 𝑑𝑖𝑛𝑔 𝑎ℎ𝑖𝑗𝑖ℎ 𝑎, 𝑡𝑢𝑎 ℎ𝑖 𝑎𝑙ℎ𝑎𝑎𝑛𝑔𝑝𝑖 𝑎 𝑚𝑖𝑛𝑝ℎ𝑎ℎ 𝑡ℎ𝑒𝑖 𝑗𝑜𝑢𝑠𝑖 𝑘𝑖 𝑚𝑖𝑛𝑝ℎ𝑎ℎ 𝑎ℎ𝑖.

𝐷𝑜ℎ𝑛𝑢𝑚 𝑛𝑎𝑛𝑒𝑖 𝑙𝑒ℎ 𝑐𝑜𝑚𝑚𝑒𝑛𝑡 𝑏𝑜𝑥 𝑎ℎ ℎ𝑖𝑛 𝑑𝑜𝑛𝑔 𝑗𝑖 𝑙𝑒𝑐ℎ𝑢𝑛 𝑝ℎ𝑎𝑙ℎ𝑒ℎ 𝑖𝑛𝑡𝑒.